"Convinced"

Medyo isang buwan na rin mula nang sinulat ko ito, at isang linggo bago iyon, may nangyaring kinagugulat ng mga taong pwede palang mangyari sa'kin.

Noong araw na iyon, lahat ng kaclose na makasalubong ko kinwentuhan ko na para lang maibsan ang aking pagkayanig. Natatawa na lang ako ngayon kapag binabanggit sa mga tao ang nangyari, pero kapag pinag-iisipan ko mag-isa, bumibigat ang aking dibdib sa pagkabagabag. Hindi ko pa nababanggit sa bahay, dahil alam ko na ang magiging reaksyon ng nanay ko, at iniiwasan ko talaga iyon. Unang beses akong nakipagsagutan sa guro, na nauwi sa matinding tensyon sa kalagitnaan ng klase.